尖沙咀Fusion西餐之選 – BEL CIBO

BEL CIBO位於尖沙咀傳統食街厚福街, 由尖沙咀地鐵站行過去五分鐘就到! 十分方便!

餐廳環境乾淨企理, 有卡位靠近窗口... 個場地好適合放工後同同事又或者成班朋友一齊食飯傾偈, 如果第一次拍拖食飯既話最好就坐窗口卡位. 服務方面, 侍應對餐牌都幾熟悉, 出餐速度快.

鴨胸蘆薈Caesar Salad

傳統既Caesar Salad 一般都以雞胸肉或雞柳製作, 而我覺得依一道前菜以煙鴨胸加蘆薈代替雞胸好有特色, 以前我係冇諗過煙鴨胸Caesar Salad依個配對可以咁好味, 佢既笫一大特點係鴨胸個 “煙” 味岩岩好, 食落去過下好有口感, 其實仲比傳統既Chicken Caesar Salad更香更正更夾， 依道菜既第二個特色喺用咗蘆薈粒，蘆薈粒口感彈牙，清甜， 剛好中和咗鴨胸嘅油脂，實在睇得出廚師用心係菜式上嘅設計， 如果本身都係鐘意食Chicken Caesar Salad既朋友，我好建議你試下依個分别之作!

黑松露醬煮原隻鮑魚

鮑魚相信大家都食得多, 但以西式烹調既鮑魚真係好特別, 囗感啱啱好, 彈牙得嚟又唔會太韌,黑松露醬汁同忌廉比重適中, 唔會太 “溜”, 入囗感覺一流!

鮮龍蝦汁煮長通粉 依道菜最大特色我覺得喺佢用咗龍蝦汁去煮， waiter喺serve依道菜嘅時候我已經聞到好濃好香嘅龍蝦味， 係食既時候發現佢既龍蝦汁同長通粉比例啱啱好， 唔會出現汁太多同太咸或者通粉太多汁唔夠嘅情况， 我感覺到厨師好有經驗同好比心機去煮，贊！

松子仁野菌薄餅

如果你鐘意Butter, Cheese & Mushroom依個配撘嘅話，我好建議你試下依道菜， 我喺影相個時已經比佢嘅牛油-芝士加Mushroom既香味給引住! 到咗食用嘅時候仲有驚喜-佢嘅Pizza pastry 我估喺用咗牛油去做， 有一種好似Butter Cookies 嘅味道-好正！ 再加上野菌香同松子仁嘅crunchiness 口感喺非一般嘅Pizza能夠比美！ Highly Recommended!

有機杏桃味啤酒 飲品方面，BEL CIBO 有好特别嘅Hand Crafted Fruit Beer. 我飲咗有機杏桃味啤酒，佢個味好fruity好特别， 而啤酒味好有Home Brew Beer感覺，好有外國feel!值得一試！

士多啤梨慕絲 甜品方面-士多啤梨慕絲-依個甜品做得好好-賣相十分靚， 喺慕絲嘅上面放咗新鮮嘅士多啤梨粒,佢地大小平均,可見得出廚師嘅刀工技巧， 以及精工出細貨嘅心思，味道方面士多啤梨味同whipped cream嘅比重適中， 唔會覺得太甜但又食得出同聞得出士多啤利嘅香味！ 所以依個甜品都幾正!

==============================

地址︰尖沙咀厚福街8號 H8 12樓
電話︰2321 2112

~~~~~~~~~~~~~~~~~~~~~~~~~~~~
**只供參考，以上純屬個人之分享及意見。

~~~~~~~~~~~~~~~~~~~~~~~~~~~

我的更多分享Y☆╮☆╮
Blog︰http://mslokyiu.blogspot.hk/

Email︰mslokyiu@hotmail.com

Fanpage︰https://www.facebook.com/mslokyao

==============================